Мэлс Қосназаров Қонликўлда имконияти чекланган инсонларга қандай ёрдамлар берилганини айтди

Сана: 04.01.2018  |  Муаллиф: KRUZ.uz  |  Манба: KRUZ.uz  |  Ўқилди: 1978Шарҳ 0

«KRuz.uz» сайти раҳбари Фурқат Юсупов Қонликўл тумани ҳокими Мэлс Қосназаров билан суҳбат уюштирди. Мэлс Идрисович йил давомида туманда имконияти чекланган инсонларга қандай амалий кўмаклар берилгани ҳақида айтиб ўтди. «Имконияти чекланганлар орасида энг асосий ишланган ишларга тўхталадиган бўлсак, Президентимиз уй-жойга муҳтож бўлган имконияти чекланганлар масаласини кўтарган эди». Бизлар шу йилнинг ўзида бир оилани уй билан таъминладик. Ҳокимият балансида турган бўш жойни таъмирлаб уйни унинг номига расмийлаштириб бердик.

Менинг секторимда 500 нафар имконияти чекланганлар бўлса, уларга ҳам эътибор беряпмиз. Масалан яқинда имконияти чекланганлар кунида уйма-уй кириб 20 та оила ҳолидан хабар олиб, уларга совғалар тарқатдик. Шунингдек бу йилнинг ўзида 2 та ногиронлик аравачаси ва 3 та қўлтиқоёқлар берилди.

Бундан ташқари, операцияга муҳтож оилаларни ҳомийларга бекитиб, Тошкент шаҳрига бориб келишлари учун транспорт ҳаражатларига ёрдам беряпмиз, операция пулини тўлаб бера олмасак ҳам, дори-дармонга ёрдам сўраётганларга ҳам ёрдам қўлини чўздик. Энди буларнинг суммасини, исм фамилияларини бирма-бир айтиб ўтириш норўрин деб биламан. Биз тадбиркорларга таклиф берамиз, улар қўлларидан келганича имконияти чекланганларга ёрдам қўлини чўзишмоқда”, - дейди Мэлс Қосназаров.

Манба: Qoraqalpog'iston Yangiliklari sayti