Кегейлиде көзи әззилер китапханасы жумыс баслады

Сана: 06.04.2018  |  Муаллиф: Кегейли район ҳәкимлиги  |  Манба: KKNEWS.uz  |  Ўқилди: 2090Шарҳ 0

Президентимиздиӊ 2017- жылдың 12-январь күнги «Китап өнимлерин басып шығарыў ҳәм тарқатыў системасын раўажландырыў, китап оқыўды ҳәм китапқумарлық мәдениятын арттырыў ҳәм үгит-нәсиятлаў бойынша» Бийлигиниң орынларда нәтийжели орынланыўы ҳәм пуқараларымыз арасында китап оқыў мәдениятын асырыў бойынша бир қатар жумыслар әмелге асырылып, бундай итибардан имканияты шекленген, көзи әззи заманласларымыз да шетте қалмады. Өйткени, жақында, Кегейли районында Қарақалпақстан Республикасы Мәденият Министрлиги, Көзи әззилер китапханасының Кегейли районлық филиалы иске түсип, китапхана ушын райондағы Мәденият ҳәм халықтың дем алыў орайы имаратынан  арнаўлы хана ажыратылып, бүгин китапхана жәмәәти кең ҳәм жақтылы ханаларда өз жумысларын алып барып атыр.

Китапханада бүгинги күнде жәми 2004 китап бар болып, солардан 918 и көзи әззилер ушын арналған түрли атамадағы көркем-әдебий китаплар болып табылады. Китапханашы Салтанат Балташова бул жерге келген ҳәр бир китап оқыўшысына ең қызықлы китапларды усыныс етип, олар сораған әдебиятларды тез ўақыт ишинде оқыўшыларға жеткерип бермекте.

Манба: Кегейли район ҳәкимлиги