Өзбекстанда жалғыз кекселер ҳәм майыплығы болған шахслардың дизими дүзиледи

Сана: 15.04.2018  |  Муаллиф: t.me/huquqiyaxborot/1792  |  Манба: Makan.uz  |  Ўқилди: 1747Шарҳ 0

Басқа адамлардың күтмине мүтәж болған жалғыз кекселер ҳәм нәгиранлығы болған шахслардың дизимин ислеў тәртиби ҳаққында нызамды тастыйықлаў бойынша Министрлер Кабинетиниң қарары қабылланды. Бул ҳаққында Әдиллик министрлиги хабар бермекте. Қарар менен тастыйықланған нызамға тийкар өзгелердиң күтимине мүтәж болған жалғыз кекселер ҳәм майыплығы болған шахслар дизими төмендеги тәртипте исленеди:
Үйме-үй жүриў ўақтында;

Физикалық ҳәм юридикалық шахслар тәрепинен берилген мағлыўмат тийкарында;

Социаллық хызметлерге мүтәж шахс еркин түрде мүрәжат еткенде;

Район (қала) медицина бирлеспеси пуқараларының өзин-өзи басқарыў органлары менен биргеликте үйме-үй жүриў ўақтында топланған информацияға тийкар өзгелер күтимине мүтәж болған жалғыз кекселер ҳәм майыплығы болған шахсларды анықлап, олардың дизимин ислейди.

Район (қала) ҳәкимлиги усынылған дизимди 5 жумыс күни даўамында тастыйықлайды ҳәм дизим тийкарында көрсетилип атырған хызметлер түри бойынша реестр дүзип, 3 жумыс күни даўамында район (қала) медицина бирлеспесине ҳәм финанс бөлимине орынлаў ушын жибереди.

Аўдарма: Makan.uz

Манба: Makan.uz – Мәмлекетимиздеги жаңалықлар порталы