"5 йилдан сўнг яна оёққа туришимга ишоняпман". Нукуслик фуқаро прокурор ёрдами билан операция қилинади

Сана: 03.07.2018  |  Муаллиф: Фурқат Юсупов  |  Манба: KRUZ.uz  |  Ўқилди: 1948Шарҳ 0

1979 йили таваллуд топган Нукус шаҳрида истиқомат қилувчи Султанов Садикбай Нукус шаҳридаги иккинчи сектор раҳбари томонидан кўрсатилган амалий ёрдам туфайли тез орада оёққа туришга умид қилмоқда. Биз Садикбай оға билан суҳбатлашдик. "Сектор раҳбарлари билан учрашувда иштирок этган эдим. Ана шу учрашувда бизнинг ҳудуд сектори раҳбари, прокурор Расул Халмуратов билан гаплашдим. Оёғимнинг операцияси Тошкент шаҳрига бориб келишда амалий ёрдам сўрадим.

Уч кун ичида бир миллион сўм пул маблағи ёрдам қилишди. 2013 йилдан буён 5 йил давомида оёғимни операция учун ҳаракат қилаётган эдим. Ниҳоят орзуларим ушалиш арафасида. Худо хоҳласа Тошкентга бориб келганимдан сўнг "диагноз" қўйишса, операция бўлади. Тез орада яна оёққа туриб кетишимга ишоняпман", дейди Садикбай Султанов.

Биз ҳозирча фуқаронинг расмини эълон қилмаймиз. Худо хоҳласа у яна оёққа туриб кетганидан сўнг, бу ҳақда яна бир хабар берамиз.

Фурқат Юсупов

Манба: Qoraqalpog’iston Yangiliklari sayti