МАШҚАЛАЛАР ӨЗ ШЕШИМИН ТАППАҚТА

Сана: 01.05.2019  |  Муаллиф: KaNews.uz  |  Манба: KaNews.uz  |  Ўқилди: 960Шарҳ 0

Қанлыкөл районы ҳәкими тәрепинен райондағы «Жаңа қала» АПЖ аймағында халық пенен ушырасыў шөлкемлестирилди.

Ушырасыў даўамында, аймақ халқының бүгинги жағдайы, олардың жасаў жағдайын жақсылаў ҳәмде турмыста, жумыс барысындағы ушырасып атырған машқалалары бойынша мүрәжатлери менен усыныс, пикирлери тыңланды.

Ушырасыўда, жеке пуқаралар тәрепинен коммуналлық төлемлер, бир айна тәрепинен көрсетилетуғын хызметлер, бәнтлигин тәмийинлеў, кем тәмийинленген социаллық жәрдемге мүтәж шаңарақ ағзаларының үй-жайын ремонтлап бериў, материаллық жәрдем бериў, егислик майданларды суўғарыў ушын суўдың азлығы ҳәмде ишимлик суў ушын водопровод тармақларын тартыў, ишки жолларды ремонтлаў, көшелерге жақтыландырыўшы шырақлар орнатыў бойынша түскен мүрәжатлерди ўақтында шешимин табыў бойынша тийисли тараў басшыларына тапсырмалар берилди ҳәм қадағалаўға алынды.

Сондай-ақ, ушырасыў даўамында аймақтағы майыплығы бар болған нураныйлардың билдирген усынысы бойынша  Алламбергенов Нөкисбай ҳәм Мадияров Сапарбайларға майыплық арбашалары тапсырылды.

Районда исленип атырған бийғәрез жәрдем көрсетиў, меҳир-мириўбетлилик сыяқлы пазыйлетлерди жүзеге шығарыўда, қайырсақаўатлылық илажлары өз-ара исеним сезимлериниң артыўына тийкар жаратады.

Дерек: Қанлыкөл районы ҳәкимлиниң жаңалықлар порталы