Ногиронлиги бор шахс мактабда ишласа бўладими?

Сана: 26.03.2019  |  Манба: Юрист Хизмати расмий канали  |  Рукн: Ногирон ҳуқуқи  |  Ўқилди: 745Шарҳ 0

Турмуш ўртоғим II гуруҳ ногирони педагогика коллежини тугатган 2007 йилда. бошланғич синфларда дарс берса бўладими. Агар мактабга ишга кирса II гуруҳ ногиронлик гуруҳини олип ташлашадими ёки мактабгача таълим муассасига ишга кирса. Агар ишлаш ҳуқуқи бўлса ногиронлик нафақасининг 50 фоизини оладими ёки ҳаммасини тўлик шаклда оладими?.

Ногирон меҳнат шароитлари одатдагича бўлган ташкилотларда, ногиронлар меҳнатидан фойдаланиладиган ихтисослаштирилган корхоналарда, цехлар ва участкаларда ишлашга, шунингдек қонун билан тақиқланмаган якка тартибдаги меҳнат фаолиятини ёки бошқа фаолиятни амалга оширишга хақлидир.

Ногиронлиги туфайли ногирон билан меҳнат шартномаси тузишни ёки иш юзасидан уни юқори лавозимга кўтаришни рад этишга, у билан тузилган меҳнат шартномасини иш берувчининг ташаббуси билан бекор қилишга, ногиронни унинг розилигисиз бошқа ишга ўтказишга йўл қўйилмайди, тиббий ‒ ижтимоий экспертизанинг хулосасига кўра ногироннинг соғлиғи касб вазифаларини бажаришга монелик қилган ёки ногироннинг ёхуд бошқа шахсларнинг соғлиғи ва меҳнат хавфсизлигига таҳдид қилган ҳоллар бундан мустасно. Ногирон ўз меҳнат қобилиятини тиклаганидан кейин илгариги ишига ёки шунга тенг ишга жойлашиш ҳуқуқига эга (ЎзР “Ўзбекистон Республикасида ногиронларни ижтимоий ҳимоя қилиш тўғрисида”ги Қонунининг 24 ‒ моддаси).

Юқоридагилардан шуни айтиш мумкин, тиббий ‒ижтимоий экспертизанинг хулосасига кўра ногироннинг соғлиғи касб вазифаларини бажаришга монелик қилмаса, у мактабда ҳам ишлаши мумкин деб ҳисоблаймиз.

Манба: Юрист Хизмати расмий канали

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.