Ногирон фарзанди бор она ҳар ойда қўшимча дам олиш куни оладими?

Сана: 20.03.2020  |  Манба: YURISTKADR  |  Рукн: Ногирон ҳуқуқи  |  Ўқилди: 922Шарҳ 0

Мени икки нафар фарзандим бор, битта фарзандим 12 ёшда, у II-гуруҳ ногирони. Менга яқинда бир киши агар ногирон фарзанди бор бўлса, шанба ва якшанбадан ташқари яна дам олиш куни берилишини айтган эди, шу тўғрими?

Ҳа, шундай имтиёз бор.

Ўзбекистон Республикаси Меҳнат кодексининг 230-моддасига асосан:

– ногирон боласини тарбиялаётган ота-онанинг бирига (васийга, ҳомийга) бола ўн олти ёшга тўлгунга қадар давлат ижтимоий суғуртаси маблағлари ҳисобидан бир кунлик иш ҳақи миқдорида ҳақ тўлаган ҳолда ойига қўшимча бир дам олиш куни берилади.

Юқоридаги қоидага мувофиқ, Сиз ногирон фарзандингиз 16 ёшга тўлгунига қадар ҳар ойда иш ҳақи сақланган ҳолда қўшимча бир дам олиш кунидан фойдаланишингиз мумкин.

Манба: YURISTKADR

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.