Кимларга ўз хоҳишига кўра йиллик таътил берилади?

Сана: 08.05.2020  |  Манба: hudud24.uz  |  Рукн: Ногирон ҳуқуқи  |  Ўқилди: 930Шарҳ 0

Кимларга йиллик таътиллар ўзининг хоҳишига кўра исталган вақтда берилиши мумкин?

Меҳнат кодексининг 144-моддасида таътилларни бериш вақти ва навбати ҳақида қоидалар берилган. Мазкур нормага асосан, йиллик таътилларни бериш навбати календарь йил бошлангунга қадар иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб тасдиқланадиган жадвалга мувофиқ белгиланади.

Қуйидаги ходимларга таътил уларнинг хоҳишига кўра ёзги ёки улар учун қулай бўлган бошқа вақтда берилиши керак:

– ўн тўрт ёшга тўлмаган битта ёки ундан ортиқ болани (ўн олти ёшга тўлмаган ногирон болани) тарбиялаётган ёлғиз ота, ёлғиз онага (бева эркаклар, бева аёллар, никоҳдан ажрашганлар, ёлғиз оналарга) ва муддатли ҳарбий хизматни ўтаётган ҳарбий хизматчиларнинг хотинларига;

– I ва II гуруҳ ногиронларига;

– 1941-1945 йиллардаги уруш қатнашчиларига ва имтиёзлари бўйича уларга тенглаштирилган шахсларга;

– ўн саккиз ёшга тўлмаган шахсларга;

– таълим муассасаларида ишлаб чиқаришдан ажралмаган ҳолда ўқиётганларга (250-модда);

– жамоа шартномаси, келишувида назарда тутилган бошқа ҳолларда.

Манба: hudud24.uz

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.