«Ҳар олти ойда қайд эттириш шартми?»

Сана: №28 (1183) 15.07.2021  |  Манба: «SUG’DIYONA» газетаси  |  Рукн: Ногирон ҳуқуқи  |  Ўқилди: 585Шарҳ 0

– Пенсиям пластик картага тушади. Лекин нега ҳар олти ойда картани чўздириш учун бориш керак? Чўздирмасдан олса бўлмайдими?

– Ўзбекистон Республикаси Вазирлар Маҳкамасининг 2011 йил 8 сентябрдаги 252-сонли қарори билан тасдиқланган «Давлат пенсияларини тайинлаш ва тўлаш тартиби тўғрисида»ги Низомнинг 158-бандига мувофиқ, тижорат банкининг филиали орқали пенсия оладиган пенсионер ҳар 6 ойда пенсия тўлайдиган Пенсия жамғармаси бўлимига келиш йўли билан ўзининг пенсия суммасини олиш ҳуқуқини тасдиқлаши зарурлиги белгиланган эди.

Ўзбекистон Республикаси Президентининг 2021 йил 3 февралдаги «2017–2021 йилларда Ўзбекистон Республикасини ривожлантиришнинг бешта устивор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид Давлат дастури тўғрисидаги ПФ-6155-сон Фармони 10-бандига мувофиқ, 2021 йил 1 июндан бошлаб пенсия ва нафақаларни накд пулсиз шаклда олиш учун аризалар фуқаролар томонидан Молия вазирлиги ҳузуридаги бюджетдан ташқари Пенсия жамғармасининг тегишли бўлимига мурожаат қилмаган ҳолда, тижорат банклари филиалларида банк пластик карталарини очиш жараёнида ёки банк мобиль иловалари орқали электрон шаклда расмийлаштирилиши белгиланган.

Мазкур мурожаат бўйича сизга бюджетдан ташқари Пенсия жамғармаси Тошкент вилояти бошқармасининг маълумотига асосан 2021 йил 1 июндан ҳар 6 ойда Пенсия жамғармаси бўлимига келиш бекор қилинганлиги тўтрисида тушунчалар берилганлиги аниқланди.

Манба: «SUG’DIYONA» №28 (1183) 15.07.2021

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.