Ногиронлиги бўлган шахс ишласа ногиронлик нафақаси тўхтатиладими?

Сана: 27.07.2021  |  Манба: Ishplus.uz  |  Рукн: Ногирон ҳуқуқи  |  Ўқилди: 612Шарҳ 0

Ногиронлиги бўлган шахс ишласа ногиронлик нафақаси тўхтатиладими?

I ва II гуруҳ ногиронлиги бўлган шахс меҳнат фаолиятини олиб боришида ногиронлик нафақаси тўланиши тўхтатилмайди. Ўзбекистон Республикаси Президентининг 2018-йил 12-декабрдаги “Фуқароларнинг пенсия таъминоти тизими самарадорлигини ошириш ва пенсионерларни ижтимоий қўллаб-қувватлашни кучайтиришга оид қўшимча чора-тадбирлар тўғрисида”ги ПФ-5597-сонли Фармонининг 1-бандига асосан 2019 йил 1 январдан бошлаб барча ишловчи пенсионерларга пенсиялар тўлиқ миқдорда тўланади.

Бу ерда пенсионерлар дейилганда, шунингдек, ногиронлик пенсиясини олувчилар ҳам тушунилади. Ўзбекистон Республикаси “Фуқароларнинг давлат пенсия таъминоти тўғрисида”ги Қонунининг 3-моддасига биноан давлат пенсиялари турларига ёшга доир пенсия, ногиронлик пенсияси ва боқувчисини йўқотганлик пенсиялари киради. Қонуннинг 15-моддасига биноан ногиронлик пенсиялари қонунчиликда белгиланган тартибда I ва II гуруҳ ногиронлари деб топилган шахсларга тайинланади.

Юлдузхон Умарбекова, 
www.ishplus.uz лойиҳаси юристи

Манба: Ishplus.uz

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.