Тийкаргы жөн ўазыйпанды умытпа!

Сана: 31.03.2017 15:34  |  Муаллиф: Светлана Жалменова  |  Рукн: Таржимонлик маҳорати  |  Ўқилди: 3454Шарҳ 0

Кунлерден бир күни бир устаз өз шәкиртлерин жыйнап, өткен ақшам бел-буўарға шекем қар жаўғаны ҳәм усы мәселе бойынша не ислеў кереклиги ҳаққындағы шәкиртлериниң усынысларын айтыўын сорады. Биринши шәкирти: ‒ Биз күн жылып қарлардын ериўин Жаратқаннан тилек тилеп сораныўымыз керек, ‒ деди

Екиншиси: ‒ Қарлардың ериўин сабыр ‒ тақат пенен күтиў керек, ‒ деп пикир билдирди.

Үшиншиси былай деди: ‒ Хақыйқатлыққа тик қарайтуғын адамға ҳеш бир ҳаўа райының парқы жоқ, қар жаўа ма яки жаўмай ма..

Бул пикирлердиң ҳеш бириде устазға унамады. Ҳәм терең гүрсиниў менен оларға былай деди: ‒ Шырақларым, енди мени дыққат пенен тыңлаң! Қолыңызға бел алың ‒ дә, ҳәмме сыртқа қар тазалаўға шықсын!

Буннан шығарар жуўмақ: Тийкарғы ислениўи керек болған жөн ис ‒ ўазыйпаң, ҳәрекетиң ҳаққында ҳеш қашан естен шығарма!

Рус тилинен
Светлана Жалменова
аўдармасы