«Вақф» қайырқомлық фонды Қарақалпақстанда

Сана: 07.11.2018  |  Муаллиф: Исламатдин Алланов  |  Манба: Makan.uz  |  Ўқилди: 716Шарҳ 0

Журтбасшымыз Ш.Мирзиёевтың басламасы менен Өзбекстан мусылманлары басқармасы қасынан «Вақф» қайырқомлық фонды шөлкемлестирилген еди. Қайырқомлық фонды шөлкемлестирилгеннен баслап Өзбекстанның көплеген орынларында болып, сақаўат ҳәм нураныйлар үйлери, емлеўханалар, наўқаслар, мектеп-интернатлары, кем тәмийинленген, бағыўшысын жоғалтқан шаңарақларға бийғәрез жәрдемлер көрсетип келмекте.
 

Фондтың “Меҳир-мириўбет кәрўаны” республикамызда болып, Нөкис қаласындағы Имам ийшан Муҳаммад жоме мешитинде республикамызағы кем тәмийинленген 100 шаңараққа азық-аўқат өнимлерин, 15 нәгиранға нәгиранлық арбашасын, Нөкис медресесинде тәлим алып атырған барлық талабаларға ыссы кийимлер ҳәм усы медреседеги еки талабаның контракт пулын төлеў, сондай-ақ, фонд тәрепинен Нөкис қаласы мәкан пуқаралары жыйынларында жасаўшы 4 шаңарақтың турақ жайларын ремонтлап бериў режелестирилди ҳәм мешит имам-хатиблерине диний-мәрипий ҳәм әдебий китаплар берди.

Исламатдин Алланов,
Қарақалпақстан мусылманлары қазыяты хызметкери.

Дерек: Makan.uz – Мәмлекетимиздеги жаңалықлар порталы