Қанлыкөлде 3-декабрь «Халықаралық майыпларды социаллық қорғаў күни» белгиленди

Сана: 04.12.2018  |  Муаллиф: KaNews.uz  |  Манба: KaNews.uz  |  Ўқилди: 1713Шарҳ 0

Ҳүрметли Президентимиздиң «Майыпларды мәмлекет тәрепинен қоллап-қуўатлаў системасын жәнеде жетилистириў илажлары ҳаққында»ғы бийлиги  усы бағдардағы жумысларды жаңа басқышларға көтериўде айрықша орын ийелейди.

Президентимиздиң усы бағдардағы алып барып атырған илажлары негизинде, Қанлыкөл районы орайындағы «Максима» ресторанында район ҳәкимлиги менен «Мәҳәлле» қайырқомлық жәмийетлик фондының районлық бөлими биргеликте, 3-декабрь «Халықаралық майыпларды қорғаў күни» мүнәсибети менен район аймағындағы жәрдемге мүтәж майыплар ушын байрам дастурханы жайылды.

Илаж даўамында мийманларды район ҳәкими менен бир қатар тийисли тараў басшылары байрам күни менен қутлықлап, шаңарақларына аманлық ҳәм тынышлық тиледи. Мийманларға  байрам мүнәсибети менен районлық мәденият тараўы хызметкерлериниң концерт бағдарламасы инәм етилди.

Сондай-ақ, илаж қатнасыўшыларына байрам шөлкемлестириўшилери тәрепинен қәўендерлик саўғалары тапсырылды.

Манба: Makan.uz – Мамлакатимиздаги янгиликлар портали