Hár bir balaǵa mehir, itibar!

Сана: 11.10.2019  |  Муаллиф: KKSO.uz  |  Манба: KKSO.uz  |  Ўқилди: 910Шарҳ 0

Qaraqalpaqstan Respublikası Ministrler Keńesi hám bir qatar ministrlikler mekemeler menen 2019 jıl basındıǵı sociallıq sheriklikte birge islesiw qospa rejesin orınlaw maqsetinde 1-iyun «Xalıqaralıq balalardı qorǵaw kúni»ne arnap «hárbir balaǵa mehir, itibar! » atamasında imkaniyatı sheklengen balalar hám elimizdegi bir qatar jas estrada qosıqshıları menen birgelikte qayır-saqawat koncert ilajı shólkemlestirildi. Sonday-aq, usı kúni imkaniyatı sheklengen qızlarımızdıń óz qollardı menen tigilgen, toqılǵan hám tayarlanǵan buyımlar kórgizbeside ótkerildi.

Tiykarǵı shólkemlestiriwshiler Qaraqalpaqstan Respublikası Mádeniyat ministrligi hám «Ózbekstan Arnawlı Olimpiyadası» sport jámiyetlik birlespesi Qaraqalpaqstan Respublikası bólimi.

Koncert ilajına Qaraqalpaq mámleketlik Jas tamashagóyler teatrı, Qaraqalpaq mámleketlik Quuırshaq teatrı akterları, Úlken «Quwırshaq Ayıw»lar qatnastı.

Tiykarǵı maqset: imkaniyatı sheklengenligine qaramastan talantqa iye balalar hám úlkenlerdi saxnaǵa alıp shıǵıw, sonday-aq, «Ózbekstan Arnawlı Olimpiyadası» sport jámiyetlik birlespesi Qaraqalpaqstan Respublikası bólimi jumısların jaslar arasında úgit-násiyatlawdan ibarat. Volonter-jaslar sanın kóbeytiw, sport penen shuǵıllanıwshı sociallıq qorǵawǵa mútáj insanlar sanın kóbeytiw, qolı gúl qızlarımızdıń ónerlerin kórgizbesin ótkeriwden ibarat.

Koncert ilajına:

Qaraqalpaqstan Respublikası xalıq bilimlendiriw ministrligine qaraslı Nókis qalasındaǵı 26-sanlı mektepke shekemgi arnawlı balalar baqshası tárbiyalanıwshıları, 10-sanlı kózi ázzi kóriwshi hám shala kóriwshi balalar mektep-internatı oqıwshıları, Nókis qalasındaǵı № 4 sanlı Nókis qalasındaǵı Gereń hám shala esitiushi balalar mektep-internatı, sonday-aq, Nókis qalasındaǵı úy sharayatında tárbiyalanıp atırǵan balalar hám úlkenler qatnastı;

Koncertke – Qaraqalpaqstan Respublikası Filarmoniyası Nókis qániygelestirilgen mádeniyat mektebi, Qaraqalpaq mámleketlik «Ayqulash» milliy folklor ansambli, Nókis qalalıq Mádeniyat bólimine qaraslı Gereńler Mádeniyat Orayı, 10-sanlı ázzi kóriwshi hám shala kóriushi balalar mektep-internatı administraciyası – Jas estrada qosıqshılardan: Sarbinaz Annaqulova, Bayram Perdebaev, Maqset Xojasov, Arıslanbek Asqarov, Pazılbek Pirnazarov, Sultan Qosekeev, Ruxiya Allaniyazova, Shraz Tursınbaev, Alisher Allambergenovlar jaqınnan járdem kórsetti.

Ózbekstan Xalıq demokratiyalıq partiyası Qaraqalpaqstan Respublikası Keńesi, Liberal demokratiyalıq partiyası, «Milliy tiklanish» partiyaları tárepinen sawǵalar, gramotalar tapsırıldı.

Sonday-aq, «Tumaris» restoranı, «Graf» restoranı, jeke isbilermenler ózleriniń qayır-saqauat járdemlerin kórsetti. Bárshe qatnasıwshılarǵa «Tumaris» restoranında ıssı awqat shólkemlestirildi.

Derek: «Ózbekstan Arnawlı Olimpiyadası» sport jámiyetlik
birlespesi Qaraqalpaqstan Respublikası Rásmiy veb-saytı