Кең түрде спорт жарысты шөлкемлестирилди

Сана: 26.10.2019  |  Муаллиф: https://t.me/specialolimpicskk  |  Манба: https://t.me/specialolimpicskk  |  Ўқилди: 1347Шарҳ 0

Усы жылдың 25-26 октябрь күнлери елимизде үлкен илажлар өткерилип атырған бир қабатта имканияты шекленген жасларды спорт жарысларына кең көлемге тартыў, спорттың  Баскетбол, Волейбол, Бадминтон, Стол тенниси, Женил атлетика түрлеринен Қарақалпақстан Миллий Арнаўлы Олимпиада Ойынларының «ЮНИФАЙД» (Unified Sport) спорт бағдарламасы бойынша жарыс өткерилди. Жарысты  өткериўде «Өзбекстан  Арнаўлы Олимпиядасы» спорт жәмийетлик бирлеспеси Қарақалпақстан Республикасы бөлими, Өзбекстан жаслар аўқамы Қарақалпақстан Республикалық Кеңеси,

Қарақалпақстан Республикасы Халық биләимлендириў министрлиги, Қарақалпақстан Республикасы кәсиплик билимлендириў басқармасы, Қарақалпақстан Республикасы Дене тәрбия ҳәм спорт министрлиги, Қарақалпақстан Республикасы Мәденият министрлиги, Қарақалпақстан Республикасы Денсаўлықты сақлаў министрлиги, Қарақалпақстан Республикасы Ишки ислер министрлиги, «Өзбекстан Миллий тикланиш» демократиялык партиясы, Қарақалпақстан Республикалық Кеңеси, Қарақалпақстан Республикасы Телерадиокомпаниясы өз қоспа қарарын тастыйықлап үлеслерин қосты.

№3,4,10 арнаўлы мектеп-интернатлары окыўшылары, халык билимлендириўге қараслы 1,31,46  санлы ҳәмде үй шараятында тәрбияланып атырған жәми 200 ден аслам балалар бирлесиў бағдарламасы бойынша қатнасты.

Жарыстын ашылыў мәресими салтанатлы «Айдынлар» миллий ансамбли ҳәм бир қатар жас эстрада қосықшылары ҳәм имканияты шекленген балалардың өзлериниң аткарыўындағы кайыр-сақаўат концерт илажы менен Нөкис қәнийгелестирилген Олимпия резервлери мектеп-интернатында басланды.

Жарысты өткериўде Нөкис қалалық спорт бөлими жақыннан жәрдем кәрсетип, спорт жарысларын қызығарлы өткерип, судьялар тәрепинен баҳаланып барылды.

Соң орынларда «Туран стадионында», Бадминтон федерациясында, Стол тенниси мектебинде, 31-санлы мектеплерде спорт жарыслары өткерилди.

Жарыс соныңда бәрше қатнасыўшыларға саўғалар тапсырылды, медаллар, кубоклар тапсырылды. Бәрше қатнасыўшыларға «Шах сарай» ресторанында ыссы аўқат шөлкемлестирилди. Қуўыршак театры, волонтер жаслар, ата-аналар, исбилерменлер, ООО "Қайпановлар шаңарағы", Такси «Драйф» өз хызметлерин көрсетти.

Исбилермен Қуўандықов Жандос тәрепинен хаса таяклар, ООО «Султан-сервис» тәрепинен майыплар арбашасы тапсырылды.

«Өзбекстан Арнаўлы Олимпиадасы» Республикалык жәмийетлик бирлеспесинен Казакова Анна, Богомолова Лилия, Латипина Анналар қатнасып бәрше қатнасыўшыларға өз тилеклерин билдирди. Ҳәм олар Австралия мәмлекети тәрепинен ажыратылған саўға сәлемлерди, кубоклар, медалларды тапсырды. Сондай-ақ, усы мәмлекет тәрепинен ыссы аўқаткада қаржы ажыратылды.

Дерек: Өзбекстан Арнаўлы Олимпиадасы спорт жәмийетлик бирлеспеси