Икки нафар фарзандим ногирон

Сана: 12.03.2020  |  Манба: Advokat maslahati  |  Рукн: Ногирон ҳуқуқи  |  Ўқилди: 960Шарҳ 0

Мен банк соҳасида 94 йилдан бери ишлаб келдим. Яқинда 2019 йилда бизга огоҳлантириш хати беришди. Лекин стаж ва оила шариотига ҳам қарашмади. Менинг икки нафар фарзандим ногирон. Мен кичкина қизимни ёшлигида бир марта учетга қуйган эдим. Кейин одамларда уялдим икки нафар боласига пенсия олар экан деб диққат бўлдим. Лекин ҳар ой даволаймиз ўзимиз. Лекин ўғлим ҳақиқатдан ҳам ногирон. Шу ногирон фарзандим билан талабам бор контранк ўқишга кирган шулар билан мени сакрашенияга килиши мумкинми? Мана бошка жойдан иш аҳтарсам улар 35 ешгача оламан дейишяпти. Шароитим оғир мана ишдан чиккибманки уларни даволай олмаяпман. Нима қилай? Қаерга борай?

Ўзбекистон Республикаси Меҳнат кодексининг 102-моддасига кўра, меҳнат шартномаси технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан бекор қилинганда камида икки ой олдин огоҳлантириш кўрсатиб ўтилган.

Ушбу кодекснинг 103-моддасига кўра, малакаси ва меҳнат унумдорлиги бир хил бўлган тақдирда қуйидагиларга афзаллик берилади:

1) қарамоғида икки ёки ундан ортиқ киши бўлган ходимларга;

2) оиласида ундан бўлак мустақил иш ҳақи олувчи бўлмаган шахсларга;

3) мазкур корхонада кўп йиллик иш стажига эга бўлган ходимларга;

4) ишлаб чиқаришдан ажралмаган ҳолда олий ва ўрта махсус, касб-ҳунар ўқув юртларида тегишли мутахассислик бўйича малакасини ошираётган ходимларга ва ишлаб чиқаришдан ажралган ҳолда олий ва ўрта махсус, касб-ҳунар ўқув юртларини тамомлаган шахсларга ўқишни тугатгандан сўнг мутахассислиги бўйича ишлаётган тақдирда икки йил мобайнида;

5) мазкур корхонада меҳнатда майиб бўлиб қолган ёки касб касаллигини орттирган шахсларга;

6) уруш ногиронлари, уруш қатнашчилари ва уларга тенглаштирилган шахсларга;

7) атом объектларидаги фалокатлар оқибатида келиб чиққан оширилган радиация нурланиши билан боғлиқ нурланиш касаллиги ва бошқа касалликларга йўлиққан ёки шундай касалликларни бошидан кечирган шахсларга; ногиронлиги атом объектларидаги фалокатлар муносабати билан бошланганлиги аниқланган ногиронларга; ана шундай фалокатлар ва ҳалокатлар оқибатларини бартараф этиш ишлари қатнашчиларига, шунингдек мазкур зоналардан эвакуация қилинган ёки кўчирилган шахсларга ҳамда уларга тенглаштирилган бошқа шахсларга.

Жамоа шартномасида ходимларни ишда қолдиришда афзаллик бериладиган бошқа ҳолатлар назарда тутилиши мумкин. Бу ҳолатлар, агар ходимлар ушбу модданинг биринчи ва иккинчи қисмларига мувофиқ ишда қолдиришда афзаллик ҳуқуқига эга бўлмаган тақдирдагина, инобатга олинади.

Шу билан бирга сизга огоҳлантириш хати берилганлиги сиз билан меҳнат шартномаси бекор қилади дегани эмас. Амалиётда иш берувчи огоҳлантириш бергандан сўнг, имтиёзлиларни огоҳлантириш муддати тугашига яқин қолганда ўрганиб чиқади.

Бундан ташқари, иш берувчи штатлар сони қисқарганда меҳнат шартномасини бекор қилишда ходимга бўш иш ўрнини таклиф этиши шарт.

Юқоридагиларга асосан, сизга корхонангизнинг жамоа шартномасини кўриб чиқишингизни маслаҳат берамиз. Касаба уюшма қўмитаси мавжуд бўлса, у сизнинг ҳуқуқларингизни ҳимоя қилиши шарт.

Манба: Advokat maslahati

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.