«Ногирон қайнотасини парваришлаган келинга стаж ёзиладими? »

Сана: №10 (1119) 19.03.2020  |  Манба: «SUG'DIYONA» газетаси  |  Рукн: Ногирон ҳуқуқи  |  Ўқилди: 931Шарҳ 0

- Ёшим 53 да. 22 йил I гуруҳ ногирони бўлган қайнотамни парваришладим. Бироқ бу ҳолатни тасдиқловчи ҳужжатлар йўқ. Қайнотам 2014 йили оламдан ўтган. Уни парваришлаганим учун менга стаж ёзиладими?

- Қараб туришнинг ҳуқуқий ҳолатларини текшириш далолатномаси, пенсия ишига тикиб қўйилади ва қараб турган шахсга пенсия тайинлашда иш стажига киритиш учун асос ҳисобланади.

Қараб туришнинг ҳуқуқий ҳолатларини текшириш далолатномаси фуқароларнинг ўзини ўзи бошқариш органи ходимларидан ва шахслардан сўраб чиқиш, шунингдек, уларнинг қўшниларидан сўраб чиқиш асосида Пенсия жамғармаси бўлими томонидан (ҳар 12 ойда) тузилади.

Қараганлик даврини тасдиқловчи ҳужжатларсиз ушбу даврларни иш стажи таркибига қўшиб ҳисоблашнинг имконияти мавжуд эмас. Пенсия миқдори (иш стажи ва иш ҳақи) мавжуд (тақдим этилган) ҳужжатларга асосан ҳисобланади.

Манба: «SUG'DIYONA» №10 (1119) 19.03.2020

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.