II гуруҳ ногиронлиги бўлган шахслар маҳалла томонидан қандай ёрдам олишим мумкин

Сана: 28.11.2020  |  Манба: https://t.me/nogironhuquqi  |  Рукн: Ногирон ҳуқуқи  |  Ўқилди: 813Шарҳ 0

Мен Зоиров Баҳриддин Ҳамраевич, Самарқанд вилояти, Паяриқ тумани, Қудуқча қишлоғида истиқомат қиламан, ёшим 40 да. II гуруҳ ногирониман яъни хассага таяниб юраман. Ҳозирги пайтда маҳалла томонидан қандай ёрдам олишим мумкин.

Вазирлар Маҳкамасининг 44-сонли қарори билан тасдиқланган Низомга мувофиқ кам таъминланган оилаларга бериладиган нафақа турини олишингиз мумкин. Ушбу ёрдам ҳар бир оила аъзосига ўртача ойлик жами даромад миқдори жами даромад аниқланаётган давр учун белгиланган меҳнатга ҳақ тўлашнинг энг кам миқдорининг 52,7 фоизидан ортиқ бўлмаган тақдирда тайинланади. Бунинг учун фуқароларнинг ўзини ўзи бошқариш органи раиси номига ариза берилади.

Аризага қуйидагилар илова қилинади:

– шакл бўйича оиланинг таркиби ва даромадлари тўғрисидаги маълумотлар ҳамда ушбу даромадларни тасдиқловчи ҳужжатлар;

– болали оилаларга нафақа ёки бола парвариши бўйича нафақа олиш учун – болаларнинг туғилганлик тўғрисидаги гувоҳномалари нусхалари;

– асосан яшаб турган жойи бўйича нафақа ва моддий ёрдам олиш учун – доимий яшаш (доимий яшаш жойи бўйича рўйхатга олинган) жойи бўйича болали оилаларга нафақа, бола парвариши бўйича нафақа ва моддий ёрдам тайинланмаганлиги ва тўланмаганлиги тўғрисида фуқароларнинг ўзини ўзи бошқариш органи томонидан берилган маълумотнома;

– агар болалар васийликка олинган бўлса – васийлик ва ҳомийлик органининг қароридан кўчирма.

Бундан ташқари, моддий ёрдамга эҳтиёжмандлик тўғрисидаги аризага, ариза берувчининг хоҳишига кўра, оиланинг эҳтиёжмандлигини тасдиқловчи бошқа ҳужжатлар ҳам илова қилиниши мумкин.

Аризалар ҳар ойнинг 15-санасигача қабул қилинади ва мурожаат қилган ойнинг кейинги ойидан бошлаб тўланади.

Саволга Нурья БЕРДИНИЯЗОВА,
“Мадад” ННТнинг Қорақалпоғистон Республикаси
Нукус шаҳар ҳуқуқий маслаҳат бюроси
бош мутахассиси жавоб берди.

Манба: “Disability Rights” – Ногиронлиги бўлган
шахслар ҳуқуқи Махсус тўплами

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебральный Паралич) – БЦФ – Болалар Церебрал Фалажи)» ташхиси.