Саламат Авезов

| |

Саламатлық поездының гезектеги акциясы

Сана: 27.04.2016  |  Муаллиф: Д.АБИБУЛЛАЕВ  |  Манба: «Еркин Қарақалпақстан» газетасы  |  Ўқилди: 396Шарҳ 0

«Саламат ана ҳәм бала жылы» Мәмлекетлик бағдарламасы шеңберинде аналықты ҳәм балалықты қорғаў, саламат ҳәм бәркамал әўладты тәрбиялаў, халқымызды, соның ишинде, ҳаял-қызлар менен балаларды тереңлестирилген медициналық тексериўден өткериў, оларға мәнзилли қайырқомлық жәрдемин көрсетиў мақсетинде жолға шыққан гезектеги Саламатлық поезды  19-апрель күни республикамызға келди.

Ташкент қаласынан келген жигирмадан аслам қәнигели шыпакерлер, сондай-ақ, Қарақалпақстан Республикасы Денсаўлықты сақлаў министрлиги, «Саламат әўлад ушын» халықаралық қайырқомлық фонды Қарақалпақстан филиалының көшпели медициналық жәрдем бригадасы қәнигелери тәрепинен Қоңырат ра­йонының ең узақ «Қарақалпақстан» ҳәм «Жаслық» посёлкалық пуқаралар жыйыны турғынлары тереңлестирилген медициналық тексериўден өткериледи. Буннан тысқары, республикамыздағы бир қатар емлеў-профилактика мәкемелерине, «Меҳрибанлық үйи» ҳәм Балалар үйиниң тәрбияланыўшыларына, Қоңырат, Шоманай, Қанлыкөл ра­йонларындағы кем тәми­йинленген, бағыўшысынан айырылған шаңарақ ағзаларына, майыпларға, улыўма баҳасы 1 миллиард 102 миллион сумнан зыят дәри-дармақлар, медициналық әсбап-үскенелер, ма­йыплар арбашасы, санитария-гигиена затлары, үй-руўзыгершилик буйымларын тапсырыў режелестирилген. Илаж шеңберинде кем тәмийинленген, социаллық жәрдемге мүтәж 500 шаңарақтан мәнзилли хабар алынып, азық-аўқатлық затлар, бир жасқа шекемги нәрестелери бар 100 шаңараққа санитария-гигиена буйымлары (балалар ваннасы ҳ.т.б.) бериледи.

— Еки күн даўамында «Карақалпақстан»  посёлкасында жасаўшы 827 пуқара тереңлестирилген медициналық тексериўден өткерилди,-дейди фондтың Қарақалпақстан филиалының директоры Оразгүл Ембергенова. — Соның менен бирге, 737 адам­ға мәнзилли қайырқомлық жәрдеми көрсетилген болса, усы аймақтағы 26 ҳәм 56-санлы улыўма билим бериў мектеплерине баҳасы 22 миллион 166 мың сумлық спорт инвентарьлары саўға етилди.

«Саламат әўлад ушын» халықаралық қайырқомлық фонды ҳәм «Өзбекистан темир жоллары» мәмлекетлик акционерлик темиржол компаниясы менен бирликте Ташкент-Карақалпақстан-Жаслық-Ташкент жөнелиси бойынша  шөлкемлестирилген медициналық-социаллық акция 26-апрельге шекем даўам етеди.

Д.АБИБУЛЛАЕВ
Қарақалпақстан хабар агентлигиниң хабаршысы.

Манба: «Еркин Қарақалпақстан» газетасы Рәсмий веб-сайты


Добавьте комментарий




Ўзбекча | Русский | Қарақалпақша

Қидириш

Хизмат кўрсатиш

Асосий саҳифа

Рукн

Меҳр қўлларимизни чўзайлик

Ўз ҳуқуқингизни биласими?

Маълумотнома

Қорақалпоғистон Республикасидаги алоҳида эҳтиёжли кишилар учун фаолият юритаётган муассаса ва ташкилотлар

Реклама блоги

Б
л
и
ц
-
М
а
ъ
л
у
м
о
т

Тўлиқ исм-шарифим: Авезов Саламат Юлдашевич.
Туғилган санам: 1983 йил 27 июль.
Туғилган жойим: Нукус шаҳри.
Маълумотим: ТАТУ Нукус филиали «Ахборот Технологиялари» факультети.
Мутахассислигим: Информатика ва ахборот технологиялари, Веб-дизайнер.
Буржим: Арслон.
Мучалим: Тўнғиз.
Бавтафсил...

Go to Top