Хайрия акциялари ташкил қилинмоқда

Сана: 27.03.2020  |  Муаллиф: Элликқалъа тумани ҳокимлиги  |  Манба: Элликқалъа тумани ҳокимлиги  |  Ўқилди: 1223Шарҳ 0

Элликқалъа тумани аҳолисининг санитария-эпидемиологик осойишталиги ва хавфсизлигини таъминлаш, фуқароларнинг ҳаёти ва соғлиғини ҳимоя қилиш ҳамда коронавирус инфекциясининг туман ҳудуди бўйлаб тарқалишини олдини олиш мақсадида тарғибот ва ташвиқот ишлари билан биргаликда хайрия акциялар ҳам ташкил қилинмоқда. Жорий йилнинг 27 март куни туман ҳокими, 1-сектор раҳбари С. Авезовнинг ташаббуси ва ҳомийлиги билан тумандаги энг чекка ҳудудларидан бири ҳисобланган “Қирққиз”, “Гулистон”, “Қизилқум” Овул фуқаролар йиғинларида истиқомат қилувчи ижтимоий химояга муҳтож, камбағал, ногирон ва боқувчисини йуқотган оила аъзоларининг уйларига ташриф буюриб.

Уларга ҳозирги вақтда коронавирус пандемиясининг олдини олиш, юқтириб олмаслик қоидалари тушунтирилди ва туманимиз ҳокими С. Авезов томонидан 1200 донадан ортиқ бир марталик ниқоб ва 100 нафар оила аъзоларига акция доирасида озиқ-овқат маҳсулотлари ва тиббий-гигиеник воситалар бепул тарқатилди. Фуқароларимиз ҳам бундай эътибордан ўз навбатида кўнгиллари тоғдек кўтарилганини айтиб ўтишди.

Барча бирдек хурсанд бўлди.

Манба: Элликқалъа тумани ҳокимлиги ахборот хизмати