Элликқалъа туман ИИБ бошлиғи "Дўстлик” овулида уйма-уй юриб аҳолининг таклиф ва муаммоларини ўрганди

Сана: 29.08.2017  |  Муаллиф: KRUZ.uz  |  Манба: KRUZ.uz  |  Ўқилди: 462Шарҳ 0

Элликқалъа туман ички ишлар бўлими бошлиғи Б.Избасаров раҳбарлигида туманда ташкил этилган 3-сектор аъзолари “Дўстлик” овулида уйма-уй юриб аҳолининг таклиф ва муаммоларини ўргандилар. Бу ҳақда ellikqala.uz хабар бермоқда.
Ўрганиш давомида 50 дан ортиқ муаммо ва таклифлар билдирилди. 3 кун давом этган ўрганиш натижалари якунида туман ҳокимлиги, туман ички ишлар бўлими рахбар ҳодимлари, маҳалла фаоллари, тегишли корхона ва ташкилотлар рахбарлари иштирокида сайёр қабул ўтказилди.

Мавжуд муаммо ва маҳаллий аҳоли томонидан билдирилган таклифлар юзасидан алоҳида дастур ишлаб чиқилди. Мазкур дастурни амалга ошириш муддати уч ой бўлиб, шу даврда “Дўстлик” овули фуқаролари томонидан билдирилган таклиф ва мавжуд муаммолар тўлиқ ечимини топади. Дастур ижроси туман ҳокимлиги ва ички ишлар бўлими томонидан тўлиқ назоратга олинди.

Манба: Qoraqalpog’iston Yangiliklar