Элликқалъада ижтимоий ёрдамга муҳтожларга қишки кийим-бошлар тарқатилди (фото)

Сана: 14.11.2017  |  Муаллиф: KRUZ.uz  |  Манба: KRUZ.uz  |  Ўқилди: 2628Шарҳ 0

Қорақалпоғистон Республикасида қиш мавсумини қийинчиликсиз ва беталафот ўтказиши учун аҳоли кўмир ва суюлтирилган газ билан таъминланмоқда. Бу ҳақда "Facebook"даги "Халқ билан мулоқот" гуруҳида хабар берилди.
Туманда ижтимоий ёрдамга муҳтожларга қишки кийим-бошлар тарқатилмоқда.
Эслатиб ўтамиз, Президентимиз Шавкат Мирзиёев 2 октябрь куни аҳолига сифатли коммунал хизмат кўрсатиш,кўп қаватли уй-жойлар, иқтисодиёт тармоқлари ва ижтимоий соҳа объектларини куз-қиш

мавсумига тайёрлаш ишларининг ҳолати таҳлилига бағишлаб ўтказган йиғилишда куз-қиш мавсумига тайёргарлик дастурлари ижросини танқидий қайта кўриб чиқиш, режалаштирилган чора-тадбирларни манзилли ва мақсадли амалга ошириш зарурлигини таъкидлаган эди.

Қиш мавсумига тўлиқ тайёргарлик кўриш ва уни беталафот ўтказиш мақсадида мамлакатимиз бўйича маҳаллалар кесимида 2017 йил 5 октябрдан 15 декабргача “70 кунлик фавқулодда ҳолат” эълон қилинган. Президент Девони масъул ходимлари, вазирлик ва идоралар мутасаддилари айни кунларда Қорақалпоғистон Республикаси ва Хоразм вилоятида қишга тайёргарлик жараёнини ҳар томонлама чуқур текширмоқда.

Манба: Qoraqalpog'iston Yangiliklari sayti