Сана: 06.12.2017 | Муаллиф: З.ЖАҚСЫМУРАТОВА | Манба: «Еркин Қарақалпақстан» газетасы | Ўқилди: 1752Шарҳ 0
Бүгинги күнде имканияты шекленген балаларды мәмлекетимизде ҳәр тәреплеме қоллап-қуўатлаўға, өнер үйрениўи ҳәм билим алыўы, спорт пенен шуғылланыўы ушын барлық қолайлы шараятлар жаратылған.
Қарақалпақ мәмлекетлик Даңқ музейинде 3-декабрь «Халықаралық майыплар күни»не бағышланып «Итибар ҳәм ғамқорлық» атлы байрам кешеси болып өтти.
Илажда пайтахтымыздағы имканияты шекленген балалар, 4-санлы Герең ҳәм шала еситиўши балалар ушын қәнигелестирилген мәмлекетлик билимлендириў мәкемесиниң оқыўшылары қатнасты.
Кешеде Қарақалпақстан Республикасы мәденият министри П.Айтмуратов, музей директоры Ш.Пахратдиновалар байрам менен қутлықлап, имканияты шекленген балаларымызға мәмлекетимиз тәрепинен көрсетилип атырған айрықша итибар ҳәм ғамқорлықлар туўралы айтып, оларды ана-Ўатанымызға сүйиспеншилик руўхында тәрбиялаўға, дүньяға болған көзқарасын жетилистириўге итибардың күшли екенлигин, журтымызда ҳеш бир инсанның шетте қалмайтуғынлығын атап өтти.
— Мен мектеп интернатында он үш жылдан берли тәрбияшы болып жумыс ислеп атырман. Жумыс процесинде балалар менен ислесип, олардың пәк қәлбиндеги муңды жоғалтыў, өмирде өз орнын табыў ушын гүресиў керек екенлигин ҳәр сабақта түсиндирип барамыз. Олар майып болыўына қарамастан айырымларының пикирлеў қәбилети жоқары. Ҳәр бир баланың қызығыўшылығына қарап мектебимизде шахмат, шашка, теннис, тоқымашылық, сүўретшилик дөгереклерине қатнастырамыз,- дейди Айсулыў Машарипова. — Жақында Қарақалпақстан көлеминде өткерилген имканияты шекленген мәкемелердиң қызлары арасында спорттың гимнастика түри бойынша биринши орынды алыўға миясар болдық...
Кешеде имканияты шекленген балалардың атқарыўында саз-сәўбетли концерт бағдарламасы қойылып, шөлкемлестириўшилер тәрепинен саўғалар тапсырылды.
З.ЖАҚСЫМУРАТОВА.
СҮЎРЕТТЕ: илаждан көринис.
Толық атым-фамилиям: Авезов Саламат Юлдашевич.
Туӯылған сәнем: 1983 жыл 27 июль.
Туӯылған жерим: Нөкис қаласы.
Мағлыӯматым: ТИТУ Нөкис филиалы «Хабар Технологиялари» факультети.
Қәнегилигим: Информатика ҳәм хабар технологиялары, Веб-дизайнер.
Буржым: Арыслан.
Мушелим: Тоңғыз.
Толық...